Thatih zy

 RAH CHAKAHNA PATHLANA ATYHNA LAILENPI : JAN 16, 2013
  Ko 6 chhoh Southern Chin State chakahna vata heta chyhsa hluhpi riethei ama tao hai. Pathlana lathloh chhao kao hluhpi ta tlua lymapa a cha. Sawhkha tawhta hmahlana a ypa hawhta NGOs tawhta chhao ta ama theina hawhta hmahlapa a cha hra. Chazy hry liata Dr. Sasa chhihthapa Health and Hope Society (HHS) nata Hope Society (HS) hmalana achyhta ei vaw palasa.

Dr. Sasa heta British sawhkha a chhohiapa ta chakah baona a patohpatia lymana liata eima hnohla ko tawhta sapha deichhyna eima rah ta a hmo. Mongyuh sawhtakha ta DFID, WFP, UNDP siepahliepa ta rai a hriapa a cha.

2013 chhoh chakana duahmo pahno nawpata nata pathlana kyh rei awpata Jan 16, 2013 liata Lialaipi liata conference awpa a cha. Cha liata Southern Chin State tawh khih 315 tawhta member 491 ama vaw kiah. Chazy cha Paletwa Tsp, Matupi Tsp, Mindat Tsp, Thantlang Tsp, Sami sub-Tsp, Rezua sub-Tsp, nata Magway Region Gangaw Tsp tawhta avaw tlopazy ama cha.

Khi to tawhta a vaw tlo theipa sahlao zy

He conference liata Dr. Sasa tawhta eima rah chakahna vata a mozia thei leina taihta na hria ta, taona hawhta pathlana lathloh tao awpa eima khoh. Namo zachhihpa zawpi vyuhtuapa y leipata cha pathlana lathloh cha tlua theipa cha vei, a tah.

Khi to tawhta a vaw tlo theipa khih ryureituhpazy nata awnanopa nopawzy ta ama

khih nata rah chakahna ama reih chyu hra.

He hawhta nopawzy ta chakahna kyh ama reih.Eima rah chakahna chha cha Mawtana nata azao ta, zuchahri tlona, rah chawhpa vata meikana, leipahasana y khai leina, lyuthlyuruna, lyu pakawh thei khao leina, pazupavaw nata ngaizaw zy nata khihcha nanopazy vata a cha, ama tah.

He chakana heta chyhsa hnatlana parao ta, chano sawphaopazy, hawtizy, no macha nata paw machapazy, ko 18 ry hawtizy thata a hria via. Cha hleikho ta chakana vata achuna hnoh asypa cha ta, nie tluana rairuna thata atyhpa a cha, ama tah.

He chakana pathlana he theina hawhta tao chyu awpata khokhei chyupa chhao a cha. Buakha chakah pathlana deita tlua leipata ko hluhpi châta hmasiena hria awpa abyuhna kyh reipa a cha hra. Relief tawhta development raihria thei nawpata rah pohpa seminar hnei heih awpata chhao khohkheina reipa a cha.

He conference liata khi to tama nie ama hmopa, ama ngiahpa nata baona ama hmopazy palasapa ta rairu pathlana awpata abyuhpa niedo abyuhpa palasapa a cha hra.

Lathloh eima peimawh

Evan. ABi tawhta bietana a reipa liata eima rah chakahna pathla thei nawpata abyuhpa hluhpi hry liata miakha cha Mawtaw lathloh he a cha, a tah. Chavata ano program ta JCB pachhuahpanohpa ta Chapi-Sabyh-Sabyhpi-Lialaipi lathloh chhia haipa a chana kyh a reih.

Evan Abi ta a patohpatiapa JCB ta Sabypi lathloh a chhia hai nopa (Jan 13)

Tahma Zyhno-Hloma,

Chapi-Saby-Sabypi- Lialaipi-Chapy-Rezua

Chapi- Saby-Sabypi-Dawlei-Chapy-Rezua

Mawta ta sie theipa a cha.

Motor bike ta cha khi kha tawhta khi kha sie thei lymapa a cha haw hra.

Saiha- Sabypi a siepa mawtaw Lauthatla-Lailenpi Bike

Atahma chakah pathlana he siano kawpata Hope Society (Yangon) ta a hriapazi hai no a cha.

Rah kyhpachatuhpazy eima chakahna pathla kheina lathloh tua chyu suh u.

Taona kao liata deichhytuhpa cha sila, eima tao thei leina liata thlachha kheituhpa cha ei si.

Paraotuhpa cha leipa ta – paryhtuhpa tlao cha ei si.

Adyuhna cha leipa ta Adyhna tlao tao ei si.

Ku riapha hmapa ta chakao chyu ei su u.

Krista nata a khihnarah chakaona liata,

L. B. Siama

Principal

Lorrain Theological College

Yangon

http://llphtooaung.blogspot.com/